Hevur tú altíð verið hugtikin av bátum? Droymir tú um at smíða tín egna lítla bát, sum tú kanst hava standandi heima ella geva sum gávu? Leitar tú eftir eini hugnaligari og skapandi løtu, har tú kanst hugsavna teg, hitta fólk og læra nakað nýtt?
Vit arbeiða við grundleggjandi handverki í smíð, og tú lærir at byggja ein modelbát frá grundini. Tú verður vegleidd/ur í at brúka amboðini og at arbeiða við tilfari, so tú spakuliga fært tamarhald á smálutunum og fært ein bát at taka skap. Skeiðið er ætlað bæði royndum og óroyndum, og tú verður partur av einum tryggum og læruríkum umhvørvi.
Arbeitt verður við ymiskum stigum frá einfaldum formum til fínari detaljur. Tú fært holla frálæru frá undirvísara og møguleika at arbeiða sjálvstøðugt, alt meðan tú ert partur av einum felagsskapi.
Skeiðið kostar 600 kr. umframt tilfar.
